Një gjykatë në Los Anxheles ka vendosur t’i heqë kujdestarinë e shumë përfolur babait të këngëtares se pop-it, Britney Spears, duke i dhënë fund një beteje të gjatë dhe të hidhur ligjore.
Britney Spears e ka përshkruar përfundimin marrëveshjes ligjore që kontrollonte shumë aspekte të jetës së saj për 13 vjet si “ditën më të mirë ndonjëherë”.
“Mendoj se do të qaj”, u tha ajo 35 milionë ndjekësve të saj në Instagram.
Një gjykatës në Los Anxhelos të premten i dha fund kontrollit të këngëtares nga babai i i saj që nga viti 2008 me efekt të menjëhershëm.
Shumë fansa të saj ishin mbledhur jashtë gjykatës së LA për të mbështetur Spears, e cili e kishte përshkruar kujdestarinë si abuzive.
Babai i saj Jamie më herët tha se ishte “e nevojshme”, por ra dakord se ishte koha që ajo “të rimarrë kontrollin e jetës së saj”.
“Jeta e saj ishte një rrëmuje! Ajo ishte e shqetësuar fizikisht, emocionalisht, nga shëndeti mendor dhe financiar,” thanë avokatët që përfaqësonin Jamie Spears në dosjet e mëparshme gjyqësore.
Babai i saj kishte fuqi mbi financat e saj dhe vendimet e karrierës, plus çështje të mëdha personale, të tilla si vizitat e saj me djemtë e saj adoleshentë dhe nëse ajo mund të rimartohej.
