TIRANË– Një i ri është ekzekutuar mbrëmjen e sotme nga një atentat në autostradën Tiranë-Durrës, pranë Benz-it.
Mësohet se drejt mjetit tip ‘Land Rover’ më targë AB 988 AS është qëlluar me armë zjarri ndërsa viktimë ka mbetur drejtuesi i mjetit, Iljaz Çali i moshës 37 vjeç.
Dyshohet se atentati ka ndodhur për larje hesapesh pasi Çali rezolton person i përfshirë në trafikun e drogës.
Burime bëjnë me dije se makina rezulton në pronësi të Hekuran Xhixhës, por ky i fundit mësohet se e ka shitur mjetin në një pikë që jep makina me qira në zonën e Rinasit.
Çali raportohet se ka qenë duke udhëtuar vetëm, por nuk përjashtohet mundësia që në mjet të ketë qenë edhe një person tjetër, për shkak se dera e pasagjerit është gjetur e hapur.
Policia ka nisur kontrollet nëpër spitale për të verifikuar nëse ka mbërritur ndonjë person i plagosur. Ngjarja u regjsitrua rreth orës 22:45, ndërsa policia ka ngritur pika kontrolli në Lezhë e Elbasan.
