Presidenti Begaj, vizita e parë zyrtare në Kosovë!

Presidenti i Shqipërisë, Bajram Begaj do të zhvillojë një vizitë zyrtare në Kosovë, që do të jetë vizita e parë jashtë shtetit që prej marrjes së mandatit si president. Në datat 15-16 gusht ai do të zhvillojë takime me drejtuesit më të lartë të shtetit dhe të politikës në Prishtinë. Vizitë përfshin takime me Presidenten Osmani, Kryeministrin Kurti, kryeparlamentarin Konjufca, krerët e partive kryesore politike, takim me komandantin e KFOR-IT, me ushtarët e Forcave të Armatosura të Shqipërisë në Kosovë.